Rencane Dese Menemeng Lamun Uah Jari Kantor Baru

Gulem bae ruen tie lek langan timuk,sang yakn ujan ,wahn ujan baruk sekedik terus malik sindang.
Berembe kabar side semeton jari selapuk sak arak lek dese menemeng ni.
Jelo kemis sak uik arak surat langan KPPS dese Menemeng,ite tesuruk jari anggota KPPS di Dusun Darek Desa Menemeng Kec.Pringgarata Kab.Lombok Tengah.
Maseh Kelemak aru ,kire kire jam 09.30 ite lalo jok kantor dese Menemeng jak rujuk surat Pendaftaran jari anggote KPPS .
Solen te ngeraos pelagak lekong belah kance staff staff dese ,pak kades dateng solen ucap salam sak tejawab isik ite pade sak nyeke ngeraos bejorak .
Ite ketuan pak kades masalah program jok julu dese lemak seUah jari kantor dese baru Menemeng,berembe ntan caren te kembangan desen te aden jari dese sak maju dait sejahtera lemak lek mase sak lemak.
Insya Allah ,Lemak seuahan jari kantor baru ,jak te pinak Radio Komunitas jari sosialisasi perkembangan dait informasi informasi masalah kemasyarakatan sak arak lek Dese Menemeng ,dait dese dese lain secare Global.
Pasti Program ni yak teperioritasan jari kegitan rutinitas Lek Dese menemeng ni,demi kemajuan dese menemeng sak baruk mulai berkembang niki.
"ni sekedar tulisan biase,porok porok nganteh sindang ujan"
Lek Tipi nani nyeken seru berite berite masalah kapal terbang Lion Air sak terik lek segare sedin Bandara Ngurah Rai Bali.
Nah silak te pade sembahyang ashar juluk nggih,silak nggih ...matur tampiasih !